జీర్ణ సమస్యలను దూరం చేసే యోగాసనాలు

  జీర్ణ సమస్యలను దూరం చేసే యోగాసనాలు

ప్రస్తుత కాలంలో వయసుతో సంబంధం లేకుండా ఉబ్బరం సమస్య ప్రతి ఒక్కరిని ఇబ్బంది పెడుతుంది. ఆ సమస్య కారణంగా అనేక రకాల ఆరోగ్య సమస్యలు వస్తున్నాయి. జీర్ణం సరిగా కాకపోవటాన్నే జీర్ణ సమస్యలు అంటారు. ఈ సమస్యని వెంటనే పరిష్కరించుకోకపోతే జీర్ణం కానీ పదార్ధం నుండి వాయువు వెలువెత్తుతుంది. దానినే గ్యాస్ అంటారు. ఆ గ్యాస్ దీర్ఘకాలం ఉంటే ఎసిడిటీ గా మారుతుంది. 

 

 కలుషితమైన ఆహారాన్ని తినడం, ఒత్తిడి వల్ల గ్యాస్ట్రిక్ సమస్య తలెత్తుతుంది. దీనికి అనేక కారణాలు ఉండచ్చు. ఈ సమస్యకు ఎన్ని మందులు వాడినా అప్పటికి సమస్య తగ్గుతుంది. కానీ, పూర్తిగా నయం కాదు. అంతేకాకుండా మందులు ఎక్కువగా వాడడం వల్ల ఇతర ఆరోగ్య సమస్యలు వచ్చే అవకాశాలు వస్తాయి. అలా కాకుండా గ్యాస్ సమస్యలకు యోగా చక్కటి పరిష్కారం. అదెలాగో ఇప్పుడు చూద్దాం.
యోగా భారత సాంప్రదాయ వ్యాయామం. ఇందులోని ఆసనాలు ఎన్నో ఆరోగ్య సమస్యలకు పరిష్కారం చూపిస్తాయి. భోజనం తర్వాత వజ్రాసనం వంటి ఆసనాలు, క్రమం తప్పకుండా చేస్తే జీర్ణ క్రియ బాగా పని చేసేందుకు సాయపడుతుంది. గ్యాస్, ఉబ్బరం, గ్యాస్ట్రిక్ సమస్యలను తగ్గించడంలో యోగా సాయపడుతుందా? అంటే అవుననే చెబుతున్నారు యోగా నిపుణుడు యోగాచార్య అనూప్ పవన్‌ ముక్తసనా. యోగా ఉబ్బరం, గ్యాస్ట్రిక్ సమస్యలను తగ్గించడంలో ప్రాథమికంగా శరీరం, వెన్నెముక మలుపులతో కూడిన ఏదైనా యోగాసనం, వ్యాయామం గ్యాస్ట్రిక్ వ్యాధులు, ఉబ్బరం కోసం సాయపడుతుంది. అయితే పవన ముక్తాసనం ఈ సమస్యలకు పరిష్కారం చూపుతుంది. జాను నామన్ ఆసనం వంటి ఇతర భంగిమలను కూడా ప్రయత్నించవచ్చని సూచించారు. లెగ్ రొటేషన్స్, లోయర్ బ్యాక్ ట్విస్ట్స్ వంటి వ్యాయామాలు కూడా జీర్ణ సమస్యలని దూరం చేస్తాయని నిపుణులు పేర్కొంటున్నారు.

పవన ముక్తాసనంతో కలిగే లాభాలు

 

ఇది జీర్ణక్రియని చురుగ్గా చేయడానికి సాయపడుతుంది.

* ఇది చేయడం వల్ల కాలేయం మెరుగ్గా పని చేస్తుంది.

* ఈ ఆసనం ద్వారా జీర్ణవ్యవస్థలో అదనపు గాలిని వదిలించుకోవడానికి సాయపడుతుంది. దీంతో పాటు, నడుము నుండి కొవ్వును తొలగించడానికి సహాయపడుతుంది. మోకాళ్ల సమస్యలని దూరం చేస్తుంప్రత్యేకంగా ఉపయోగపడుతుందని ఆయన వివరించారు. 

ఇలా చేయండి

* ఈ ఆసనం చేయడానికి ముందుగా వెల్లకిలా పడుకోండి. కాళ్లు, చేతులని ఎడంగా పెట్టండి.

* ఇప్పుడు మీ మోకాళ్ళను కలిపి, రెండు చేతులతో పట్టుకోండి.

* ముందుగా ఎడమ కాలుని చాపండి. ఈ భంగిమలో 30 సెకన్ల పాటు ఉండండి.

* ఇప్పుడు కుడి కాలుతో అలా చేయండి.

* ఇప్పుడు, మీ ఎడమ కాలును తిరిగి తీసుకురండి, రెండు కాళ్ళను పట్టుకుని, మీ కుడి కాలును విడుదల చేయండి.

ఇలా రెగ్యులర్‌గా చేస్తుంటే జీర్ణ సమస్యలు చాలా వరకూ దూరం అవుతాయని నిపుణులు చెబుతున్నారు. యోగా చేయడం వల్ల జీర్ణసమస్యలు మాత్రమే కాదు ఎన్నో ఆరోగ్య సమస్యలు దూరం అవుతాయి. శరీరం కూడా ఫ్లెక్సీబుల్‌గా ఉంటుందని నిపుణులు చెబుతున్నారు. 

 ఎవరు చేయొద్దంటే..

* మెడ, వెన్నెముక సమస్యలతో బాధపడేవారు ఈ ఆసనాన్ని చేయకూడదు.
* ముఖ్య విషయం ఏంటంటే.. మీ మోకాలు ఛాతిని కలిపిన ప్రతిసారీ మీ మెడను ముందుకు వంచాలి.
* మరో ముఖ్య విషయం ఏంటంటే.. ఏ యోగాసనాలు అయినా సరే నిపుణుల పర్యవేక్షణలోనే చేయాలి. అలా కాకుండా చేస్తే ఇతర సమస్యలు ఎదురవుతాయి కాబట్టి నిపుణుల పర్యవేక్షణలో చేయండి.